السلام عليكم..
من 3 أيام .. يوم 24-6-2010 ..
خلصت اخر امتحان في الكلية…
الحياة بشكلها اللي انا عارفاه ومتعودة عليه .. خلصت ..
ويفترض كل حاجة تختلف..
الطريق المحدد الممهد خلص.. وكل واحد هيختار سكته… بداية مختلفة تماما..
حاجات كتيرة حصلت ف الاربع سنين دول… ومش كلها حاجات حلوة طبعا..
شخصيا.. ما أقدرش أقول اني زعلانة انهم خلصوا..
وان كنت طلعت بحاحة واحدة من الكلية .. ف هيا الناس المحترمة الطيبة اللي عرفتها ..
واللي اتمنى ان يفضل بيني وبينهم اتصال على طول..
وعموما انا عندي شعور ان دفعتي كانت فعلا دفعة مميزة ومحترمة ..
بالاضافة لكام شخص يتعدوا على الصوابع من اللي درسوني.. بس بجد كانوا محترمين و زوق .. وربنا يكرمهم ويوفقهم ف حياتهم ان شاء الله..
و3-4-5 مناهج من مجموع حوالي… 44 منهج عقيم .. D:
يا رب يوفقنا كلنا ف المرحلة الجاية .. وكلنا ناخد القرارات الصح ف شغلنا وحياتنا ان شاء الله
بس خلاص .. سلام 
الحمد لله انهم خلصوا اخيرا مع انى مش مبسوطه اوى يعنى
وان شاء الله نفضل كلنا ع اتصال
وربنا يوفقنا فى حياتنا الجايه بأذن الله
انتى من افضل الناس اللى اتعرفت عليها ..واللى فرحانة انى عرفتهم .. بكلمك بالامانة:D
ويارب نفضل على اتصال دائم ياعثل
وبالتوفيق ان شاء الله فى الخطوات الجاية
سلام
الحمد لله الواحد طلع من الكلية دي بحاجات كتير (بعيدا عن الناحية الدراسية طبعا)
بالتوفيق
طبعا لازم مع نهاية مرحله
بداية مرحله جديده يفترض انها احسن
بس بجد والله المرحله اللي فاتت دي كانت جميله جدا
وفعلا الواحد اتعرف فيها باصحاب وشخصيات جميله قوي قوي
وياااااااارب تدوم حتى بعد انتهاء الدراسه
اما بالنسبه للكليه فكانت الاضافه كلها فيها
انا افتكر اني معلوماتي كانت مش قد كدا عن الكمبيوتر
كان كل علاقتي بيه هو اللعب عليه بس دلوقتي
فيه فرق رهيييييب فكانت اربع سنين احلى من بعض
حتى لو الواحد تعب فيهم بس ذكراها مش هتتنسي
وربنا يوفقنا في اللي جاي ان شاء الله يااااارب
i love you (emy)
you are from the best friends to me:_* beacuse you helped me alot in my life:-*
i hope to you the best things in your life:)
and i want to see you sooon( isa):-*
@Myada
امين يا رب..
لازم تبدأي حاجة تانية علشان تتبسطي ان دول خلصوا..
ربنا يوفقك يا ميادة
@Eman
حبيبي و ربنا..
الحمد لله اني عرفت حد زيك يا ايمان..
انتي بجد شخصية تتحب..
بس من غير أمانة الله يخليكي .. أنا مصدقاكي يا ستي
@eng.Abdallah
انا بقول كده برده
الدراسة دي اخر حاجة..
وبالتوفيق لينا جميعا ان شاء الله
@eng.Mostafa
انا شخصيا كانت حاسبات من الكليات اللي كنت عاوزة ادخلها ..
لأني ما كنتش مقتنعة اني أعيش حياتي كلها علاقتي بالكومبيوتر اني العب عليه العاب ..
بس مش عارفة ليه اتصدمت لما جاتلي
ربنا يوفقك يا بشمهندس..
و ان شاء الله حضرتك امل القسم ده انو حاله يتعدل..
بالتوفيق
@Wesam
و انا كمان بحبك والله يا وسام..
وربنا يوفقك يا بنتي وتوصلي للي نفسك فيه..
و ان شاء الله اشوفك تاني